امام علی رحمان: صلح در منطقه عامل توسعه ی منطقه یی است
کابل- افغانستان (گ.ر.پ):
خبرنگار: میلاد نایبی
امام علی رحمان، رییس جمهوری تاجیکستان در دیدار با عبدالله عبدالله، رییس اجراییه کشور در حاشیه نشست «تعامل و اعتماد سازی در آسیا» تأکید ورزیده است که حکومت آن کشور از روند صلح افغانستان پشتیبانی کرده و از هیچگونه اقدامی در پیوند به روند صلح افغانستان دریغ نمی ورزد. بر بنیاد خبرنامه ی ریاست اجراییه کشور در این دیدار امام علی رحمان گفته است: « تاجیکستان خواهان صلح و ثبات در افغانستان میباشد و آماده است افغانستان را در تمامعرصهها همکاری نماید. رییس جمهور تاجیکستان صلح و ثبات در افغانستان را به نفع صلح و ثبات در منطقه و رشد و توسعه اقتصادی خواند و خواهان گسترش روابط تجارتی-اقتصادی میان دو کشور گردید.»
در همین حال عبدالله عبدالله، رییس اجراییه حکومت وحدت ملی گفته است: « افغانستان خواهان تحکیم و گسترش روابط میان دو کشور است، ما خواهان افزایش دادوستد تجارتی و توسعه اتصال منطقهیی میان دو کشور هستیم. حکومت وحدت ملی از همکاری های تاجیکستان در امر مبارزه با هراس افگنی قاچاق مواد مخدر سپاسگذاری میکند و یک بار دیگر به جانب تاجیکستان اطمینان میدهد که افغانستان برای همکاری در امر مبارزه با تهدیدهای مشترک آماده گی کامل دارد.»
آقای عبدالله همچنان در این دیدار تأکید ورزیده که حکومت و مردم تاجیکستان روابط میان افغانستان و تاجیکستان را به گونه ی حسنه نگهداری کرده اند آن کشور از دوستان و متحدان نزدیک افغانستان است. رییس اجراییه از توجه و علاقمندی خاص رییس جمهور تاجیکستان به قضایای افغانستان و کمک به صلح و بازسازی این کشور سپاسگزاری کرد.
Comments